2:24 PM
moehtetlulin
“နိုင်ငံကြီးသားပီသပါ” ဆိုသည့် စကားလုံးကို ကျွန်တော်တို့တစ်တွေ အမြဲကြား နေရသည်။ ဘယ်လိုများ နိုင်ငံကြီးသား ပီသအောင် နေကြရမလဲဆိုရင်တော့ ကျွန်တော်တို့ နိုင်ငံတွင်းမှာ နေထိုင်ကြသည့် နိုင်ငံသားအားလုံးမှာရှိတဲ့ စိတ်ဓါတ်နှင့်အကျင့်စရိုက်များကို အကောင်းဆုံး ပြုပြင်ဖို့လိုအပ်သည်ဟု ကျွန်တော်ထင်ပါသည်။ နိုင်ငံတိုင်းတွင် နိုင်ငံ့ ဂုဏ်သိက္ခာ ရှိပါသည်။ နိုင်ငံတော်၏ ဂုဏ်သိက္ခာ ဆိုသည်မှာလည်း ယင်းနိုင်ငံ အတွင်းနေထိုင်သော နိုင်ငံသား တစ်ဦးချင်းစီ၏ စိတ်ဓါတ်စည်းကမ်း နှင့် အကျင့်စာရိတ္တ သာလျှင် အရေးကြီးဆုံး ဖြစ်သည်ဟု ကျွန်တော်ကတော့ ထင်မြင်မိပါသည်။
စိတ်ဓါတ်ကောင်းမှ စည်းကမ်း ကောင်းလာမည်၊ စည်းကမ်းရှိနေပါမှ ကျွန်တော်တို့ တိုင်းပြည်ကြီး တိုးတက်လာမှာ ဖြစ်သလို ကျွန်တော်တို့နိုင်ငံသားများ လိုချင်သော ဒီမိုကရေစီ စနစ်ကြီးကို အပီအပြင် အကောင်အထည်ဖော်နိုင်မည်ဖြစ်ပါသည်။ ဒီနေရာမှာ ကျွန်တော့်အနေနဲ့ စိတ်ဓါတ် ဆိုတာကို ပြောချင်ပါတယ်။ စိတ်ဓါတ်ဆိုရာ၌ ကြိုးစားမှု၊ စည်းကမ်းရှိမှု ၊ အပြောအဆို ၊အနေအထိုင် ၊ ယဉ်ကျေးမှု ၊ ကိုယ်ကျိုးစွန့် အနစ်နာခံမှု အားလုံး အကျုံးဝင် ပါသည်။ ဒီလိုပါပဲ အကျင့်ဆိုသည်မှာလည်း ပါဠိအားဖြင့် သီလမည်၍ သီလဆိုသည်မှာ စောင့်ထိန်းခြင်း (၀ါ) ပြောသင့် ၊ ပြောထိုက်တာကို ပြောဆိုခြင်းမည်ပြီး ၊ စာရိတ္တကတော့ ပြုကျင့်အပ်သည်ကို ဖြည့်ဆည်းပြုကျင့်ခြင်း မည်သည်ဟု အဆိုများ ရှိခဲ့ပါသည်။ ဒါတွေက ကျွန်တော် မြင်ထား ၊သိထား သမျှတွေသာပင်ဖြစ်သည်။ တစ်ကယ့် တစ်ကယ်မှာလည်း တစ်မျိုးသားလုံး၏ စိတ်ဓါတ် နှင့် အကျင့်စာရိတ္တ မြင့်မားဖို့ အရေး အတွက် ကျွန်တော်တို့က ဒီအချက်တွေကို အခြေံခံ၍ တင်ပြမှသာလျှင် အဆင်ပြေနိုင်မည် ဖြစ်ပါသည်။ “ အမျိုးသား ပညာရေးအစ စာသင်ကျောင်း” က ဟု ဆိုရိုးရှိခဲ့ သည့်အတိုင်း ယနေ့ခေတ် မြန်မာနိုင်ငံတွင် မသင်မနေရ အခမဲ့ မူလတန်းကျောင်း ပညာရေးများကို အစိုးရ နှင့် အစိုးရ မဟုတ်သော အခြားအဖွဲ့အစည်းတို့၏ အကောင်အထည်ဖော် ဆောင်ရွက်နေမှုများ အောက်တွင် ကျွန်တော်တို့နိုင်ငံက ကလေးများ မဖြစ်မနေ သင်ကြားဖို့ လိုအပ်ပါသည်။ ပညာသင်ကြားခြင်းကနေပဲ ကျွန်တော်တို့ အသိတွေ ၊ စိတ်တွေ၊ အကျင့်တွေ ၊ စာရိတ္တတွေကို တန်ဖိုးရှိရှိ မြင့်သထက်မြင့်အောင် ၊ ပိုကောင်း သထက်ကောင်းအောင် ပြုပြင်ယူရမှာပါ။ ပညာဆို သည်မှာလည်း ပါဠိက တိုက်ရိုက် ဆင်းသက်ခြင်းဖြစ်ပြီး သီတဂူ ဆရာတော် ဘုရားကြီး ၏ ဟောပြောချက်အရ “ပ” ဆိုသည်မှာ Detail (အသေးစိတ် အချက်အလက် (၀ါ) အသေး စိတ်ခြင်း) မည်၍ “ညာ” ဆိုသည်မှာ Understanding အသိအမြင် ၊သိခြင်း (၀ါ) နားလည်ခြင်း၊တတ်ခြင်း မည်၍ “ပညာ” ဆိုသည်မှာ “အသေးစိတ် သိရှိအောင် လုပ်ဆောင် ခြင်း” ဖြစ်သည်ဟု ဆိုပါသည်။ ကျွန်တော်တို့တွေ အသိတွေကြွယ်၊ အမြင်တွေဖလှယ် နေမှသာလျှင် ကျွန်တော်တို့၏ စိတ်နေသဘောထားများ၊ အကျင့်များကို အကောင်းဆုံး ဖြစ်အောင် ပြုပြင်နိုင်မည်ဖြစ်သည်။ နောက်ထပ် လုပ်ဆောင်ရမှာ တစ်ချက်လည်း ရှိပါသေးသည် အဲဒါကတော့ “ စာဖတ်ခြင်း” ပဲဖြစ်ပါသည်။ တိုးတက်နေသည့် နိုင်ငံများတွင် စာဖတ်ခြင်း အလုပ်သည် အချိန်တစ်ခု ထုတ်၍ သတ်သတ်ကို လေ့လာလိုက်စားနေသော အလုပ်တစ်ခုဟူ၍ပင် ကျွန်တော့် အနေနှင့်သိမြင်နားလည်ထား၍ စာဖတ်ကြရန် ကျွန်တော်က တိုက်တွန်းရခြင်း ဖြစ်လေ သည်။ စာဖတ်ခြင်းမှ အသိတွေရရှိလာနိုင်သည်၊ ဆင်ခြင်စရာများကို တွေ့လာနိုင်သည်၊ အတုယူဖွယ်ကောင်းသော အရာများကို ရရှိနိုင်ပါသည်။ တစ်နည်းအားဖြင့် စာဖတ်ခြင်း သည် မိမိစိတ်ကို အလှတန်ဆာဆင်ခြင်းမည်ပါသည်။ မိမိစိတ်က လှနေမှတော့ အကျင့်တွေ ကောင်းလာမည် ၊ စည်းကမ်းရှိမှုကို ရိုသေတတ်လာမည် ဖြစ်သည်။ ဒါကြောင့် စာဖတ်ခြင်း အလုပ်အားလည်း မိမိနိုင်ငံအတွင်းရှိသော နိုင်ငံသားများ စိတ်ဓါတ် နှင့် အကျင့်၊စာရိတ္တ ကောင်းမွန်ရေးအတွက် အချိန်လုပေးကြဖို့ လိုအပ်ပါသည်။ ဒီကနေ့ခေတ်တွင်လည်း တာဝန်ရှိသူ အစိုးရအဖွဲ့အစည်းများနှင့် လူမှုရေး အသင်းအဖွဲ့  များမှလည်း လက်လှမ်းမှီ သော ကျေးရွာ၊ တိုက်နယ်များထိ စာကြည့်တိုက်များ ဖွင့်လှစ် ပေးလျှက်ရှိနေသောကြောင့် မိမိတို့ဘက်မှ အချိန်ပိုကို ထုတ်နိုင်မည်ဆိုပါက စာကို ဖတ်နိုင်သမျှဖတ်ပြီး လေ့လာနိုင်သမျှ လေ့လာနိုင်ပါမှပင် ကျွန်တော်တို့တစ်မျိုးသားလုံး၏ စိတ်ဓါတ်နှင့်အကျင့်စာရိတ္တများလည်း ကောင်းသည်ထက် ပိုကောင်းလာပါမည်။
အချုပ်ဆိုရသော် … ကျွန်တော်တို့လူမျိုးများသည် ဗုဒ္ဓဘာသာအခြေခံ၍ ၊ဗုဒ္ဓ၏ တရားတော်များခံယူဆုံးမမှုအောက်တွင် ရှိနေကြသည်နှင့်အညီ နိုင်ငံရှိ ကျွန်တော်တို့ နိုင်ငံသား များ၏ တစ်ဦးချင်း၊တစ်ယောက်ချင်းတွင်ရှိသည့် စိတ်နေသဘောထားများ၊ အကျင့်စရိုက်များကို အကောင်းဆုံးဖြစ်အောင်၊ မြင့်မားလာအောင် စွမ်းဆောင်ရာ၌ ပညာကို လေ့လာလိုက်စားခြင်း ၊ စာဖတ်ခြင်းများ နှင့် အတူ အခြားသော မိမိတို့ ပတ်ဝန်းကျင်နှင့် ဆက်နွယ်နေသည့် မျက်စိအောက်မှ ကိုယ်တိုင်မြင်သော အသိတရား ၊ အတတ်တရား များကို သင်ခန်းစာယူ ဆင်ခြင်နိုင်ရင်း လူယဉ်ကျေးများဖြစ်ပြီး ၊ နိုင်ငံကြီးသားပီသစွာ ကမ္ဘာ့အလည်တွင် ထည်ဝါစွာရပ်တည်ဖို့အတွက် ကျွန်တော်တို့ တစ်မျိုးသားလုံး၏ စိတ်ဓါတ် နှင့် အကျင့်စာရိတ္တများကို ကောင်းသည်ထက် ပိုကောင်းအောင်၊ မြင့်သည်ထက်မြင့်အောင် ကြိုးစားအားထုတ်ကြပါလို့ တိုက်တွန်းနိုးဆော်ရင်း နိဂုံးချုပ်အပ် ပါသည်ဗျာ။
====================
မိုးထက်လုလင်
0 comments:
Post a Comment